Форум » Поздравления » СТРАСТАЯ СЕДЬМИЦА.ПЯТНИЦА. » Ответить
СТРАСТАЯ СЕДЬМИЦА.ПЯТНИЦА.
maxtalmann: СТРАСТАЯ СЕДЬМИЦА.ПЯТНИЦА. Воспоминание святых спасительных страстей Господа нашего Исуса Христа . В Великий пяток совершились и воспоминаются Церковью святые, спасительные и страшные страдания и смерть Господа Исуса Христа, ради нас волею Им претерпленные. Согласно письменным памятникам IV века («Паломничество Эгерии» и «Огласительные слова Кирилла Иерусалимского»), богослужение в Иерусалиме совершалось в течение всей ночи с четверга на пятницу. Процессия верующих во главе с епископом последовательно обходила все места, связанные с арестом, судом, крестной смертью и погребением Христа, и на каждом из этих мест читался соответствующий отрывок из Евангелий. Это богослужение оказало влияние на формирование современного последования утрени. На утреннем Богослужении в Великую Пятницу Церковь торжественно произносит благовестие о страданиях и смерти Богочеловека, разделенное на 12 чтений Евангельских, называемых страстными Евангелиями.Чтение 12 Евангелий в Великую Пятницу взяло начало свое от предания Апостольского. О чтении 12 страстных Евангелий в Великую Пятницу упоминает святитель Иоанн Златоуст. Он говорит: «Иудеи нападают с неистовством на Исуса Христа, и сами по себе мучают Его, связывают, отводят, делаются виновниками обид, нанесенных воинами, пригвождают ко кресту, укоряют, насмехаются. Пилат здесь ничего не присоединял со своей стороны: они сами все делают. И сие у нас прочитывается, когда бываем все в собрании, дабы не сказали нам язычники: вы показываете народу только блистательное и славное, например знамения и чудеса, а позорное скрываете. Благодать Святого Духа так устроила, что все сие прочитывается у нас во всенародный праздник, – именно в Великий Четверг Пасхи (то есть в Пятницу Страстной Седмицы), когда мужчины и женщины предстоят в великом множестве, когда стекается целая вселенная, тогда-то проповедуется сие громким гласом; и при таком-то всенародном чтении и проповедании мы веруем, что Христос есть Бог». «Ныне все мы, – говорил святой Иоанн Дамаскин в Великий Пяток, – собрались послушать о кресте, наполняем Церковь, тесним друг друга, потеем и изнуряем себя».
Ответов - 3
maxtalmann: «12 Евангелий Святых Страстей Христовых» 1-Ин.13:31 - 18:1 прощальная беседа Исуса с учениками и первосвященническая молитва : ,,.....31. глагола Исус: ныне прославися Сын человеческий, и Бог прославися о нем: 32. аще Бог прославися о нем, и Бог прославит его в себе, и абие прославит его. 33. Чадца, еще с вами мало есмь: взыщете мене, и якоже рех иудеом, яко аможе аз иду, вы не можете приити: и вам глаголю ныне. 34. Заповедь новую даю вам, да любите друг друга: якоже возлюбих вы, да и вы любите себе: 35. о сем разумеют вси, яко мои ученцы есте, аще любовь имате между собою. 36. Глагола ему симон петр: Господи, камо идеши? Отвеща ему Исус: аможе аз иду, не можеши ныне по мне ити: последи же по мне идеши. 37. Глагола ему петр: Господи, почто не могу ныне по тебе ити? ныне душу мою за тя положу. 38. Отвеща ему Исус: душу ли твою за мя положиши? аминь, аминь глаголю тебе: не возгласит алектор, дондеже отвержешися мене трищи." (Св. Евангелие от Иоанна 13:31-38) 1. Да не смущается сердце ваше: веруйте в Бога, и в мя веруйте: 2. в дому Отца моего обители многи суть: аще ли же ни, рекл бых вам: иду уготовати место вам: 3. и аще уготовлю место вам, паки прииду и поиму вы к себе, да, идеже есмь аз и вы будете: 4. и аможе аз иду, весте, и путь весте. 5. Глагола ему фома: Господи, не вемы, камо идеши: и како можем путь ведети? 6. Глагола ему Исус: аз есмь путь и истина и живот: никтоже приидет ко Отцу, токмо мною: 7. аще мя бысте знали, и Отца моего знали бысте убо: и отселе познасте его, и видесте его. 8. Глагола ему филипп: Господи, покажи нам Отца, и довлеет нам. 9. Глагола ему Исус: толико время с вами есмь, и не познал еси мене, филиппе? видевый мене виде Отца: и како ты глаголеши: покажи нам Отца? 10. не веруеши ли, яко аз во Отце, и Отец во мне есть? глаголы, яже аз глаголю вам, о себе не глаголю: Отец же во мне пребываяй, той творит дела: 11. веруйте мне, яко аз во Отце, и Отец во мне: аще ли же ни, за та дела веру имите ми. 12. Аминь, аминь глаголю вам: веруяй в мя, дела, яже аз творю, и той сотворит, и болша сих сотворит: яко аз ко Отцу моему гряду: 13. и еже аще что просите от Отца во имя мое, то сотворю, да прославится Отец в Сыне: 14. и аще чесо просите во имя мое, аз сотворю. 15. Аще любите мя, заповеди моя соблюдите, 16. и аз умолю Отца, и иного утешителя даст вам, да будет с вами в век, 17. дух истины, егоже мир не может прияти, яко не видит его, ниже знает его: вы же знаете его, яко в вас пребывает и в вас будет. 18. Не оставлю вас сиры: прииду к вам. 19. еще мало, и мир ктому не увидит мене, вы же увидите мя, яко аз живу, и вы живи будете: 20. в той день уразумеете вы, яко аз во Отце моем, и вы во мне, и аз в вас. 21. Имеяй заповеди моя и соблюдаяй их, той есть любяй мя: а любяй мя возлюблен будет Отцем моим, и аз возлюблю его, и явлюся ему сам. 22. Глагола ему иуда не искариотский: Господи, и что бысть, яко нам хощеши явитися, а не мирови? 23. Отвеща Исус и рече ему: аще кто любит мя, слово мое соблюдет: и Отец мой возлюбит его, и к нему приидема, и обитель у него сотворима: 24. не любяй мя словес моих не соблюдает: и слово, еже слышасте, несть мое, но пославшаго мя Отца. 25. Сия глаголах вам в вас сый: 26. утешитель же, дух святый, егоже послет Отец во имя мое, той вы научит всему, и воспомянет вам вся, яже рех вам. 27. Мир оставляю вам, мир мой даю вам: не якоже мир дает, аз даю вам. Да не смущается сердце ваше, ни устрашает. 28. Слышасте, яко аз рех вам: иду и прииду к вам. Аще бысте любили мя, возрадовалися бысте убо, яко рех: иду ко Отцу: яко Отец мой болий мене есть. 29. И ныне рех вам, прежде даже не будет, да, егда будет, веру имете. 30. Ктому не много глаголю с вами: грядет бо сего мира князь, и во мне не имать нечесоже. 31. Но да разумеет мир, яко люблю Отца, и якоже заповеда мне Отц, тако творю: востаните, идем отсюду. (Св. Евангелие от Иоанна 14:1-31) 1. аз есмь лоза истинная, и оц мои делатель есть. 2. всяку розгу о мне не творящую плода, измет ю. и всяку творящую плод, отребит ю, да множаишии плод принесет. 3. уже вы чисти есте за слово, еже глаголах вам. 4. будите во мне, и аз в вас. якоже розга не может плода сотворити о себе, аще не будет на лозе. тако и вы, аще во мне не пребудете. 5. аз есмь лоза, вы же рождие. и иже будет во мне, и аз в нем, тои сотворит плод мног. яко без мене не можете творити ничесоже. 6. аще кто во мне не пребудет, извержется вон, якоже розга, и изсышет. и собирают ю и во огнь влагают, и сгарает. 7. аще пребудете во мне и глаголы мои в вас пребудут, егоже аще хощете, просите, и будет вам. 8. о сем прославися оц мои, да плод мног сотворите, и будете мои ученицы. 9. якоже возлюби мя оц, и аз возлюбих вас. будите в любви моеи. 10. аще заповеди моя соблюдете, пребудете в любви моеи. якоже аз заповеди оца моего соблюдох, и пребываю в его любви. 11. сия глаголах вам, да радость моя в вас будет и радость ваша исполнится. 12. сия есть заповедь моя, да любите друг друга, якоже возлюбих вы. 13. больши сея любве никтоже имать, да кто душу свою положит за други своя. 14. вы друзи мои есте, аще творите, елика аз заповедаю вам. 15. не ктому вас глаголю рабы, яко раб не весть, что творит господь его. вас же рекох други, яко вся, яже слышах от оца моего, сказах вам. 16. не вы мене избрасте, но аз избрах вас, и положих вас, да вы идете и плод принесете, и плод ваш пребудет. да, егоже аще просите от оца во имя мое, даст вам. 17. сия заповедаю вам, да любите друг друга. 18. аще мир вас ненавидит, ведите, яко мене прежде вас возненавиде. 19. аще от мира бысте были, мир убо свое любил бы. якоже от мира несте, но аз избрах вы от мира, сего ради ненавидит вас мир. 20. поминаите слово, еже аз рех вам. несть раб болии господа своего. аще мене изгнаша, и вас изженут. аще слово мое соблюдоша, и ваше соблюдут. 21. но сия вся творят вам за имя мое, яко не ведят пославшаго мя. 22. аще не бых пришел и глаголал им, греха не быша имели. ныне же вины не имут о гресе своем. 23. ненавидяи мене, и оца моего ненавидит. 24. аще дел не бых сотворил в них, ихже ин никтоже сотвори, греха не быша имели. ныне же и видеша, и возненавидеша мене и оца моего. 25. но да сбудется слово, писанное в законе их, яко возненавидеша мя туне. 26. егда же приидет утешитель, егоже аз послю вам от оца, дх истины, иже от оца исходит, тои свидетельствует о мне. 27. и вы же свидетельствуете, яко искони со мною есте. (Св. Евангелие от Иоанна 15:1-27) 1. сия глаголах вам, да не соблазнитеся. 2. от сонмищ ижденут вы. но приидет час, да всяк, иже убиет вы, возмнится службу приносити Богу. 3. и сия сотворят, яко не познаша оца, ни мене. 4. но сия глаголах вам, да, егда приидет час, воспомянете сия, яко аз рех вам. сих же вам исперва не рех, яко с вами бех. 5. ныне же иду к пославшему мя, и никтоже от вас вопрошает мене. камо идеши, 6. но, яко сия глаголах вам, скорби исполних сердца ваша. 7. но аз истину вам глаголю. уне есть вам, да аз иду. аще бо не иду аз, утешитель не приидет к вам. аще ли же иду, послю его к вам. 8. и пришед он обличит мир о гресе и о правде и о суде. 9. о гресе убо, яко не веруют в мя. 10. о правде же, яко ко оцу моему иду, и ктому не видите мене. 11. о суде же, яко князь мира сего осужден бысть. 12. еще много имам глаголати вам, но не можете носити ныне. 13. егда же приидет он, дх истины, наставит вы на всяку истину. не от себе бо глаголати имать, но елика аще услышит, глаголати имать, и грядущая возвестит вам. 14. он мя прославит, яко от моего приимет и возвестит вам. 15. вся, елика имать оц, моя суть. сего ради рех, яко от моего приимет и возвестит вам. 16. вмале, и ктому не видите мене. и паки вмале, и узрите мя. яко иду ко оцу. 17. реша же от ученик его к себе. что есть сие, еже глаголет нам. вмале, и не видите мене. и паки вмале, и узрите мя. и. яко аз иду ко оцу, 18. глаголаху убо. что сие есть, еже глаголет. вмале, не вемы, что глаголет. 19. разуме же Исус, яко хотяху его вопрошати, и рече им. о сем ли стязаетеся между собою, яко рех. вмале, и не видите мене. и паки вмале, и узрите мя, 20. аминь, аминь глаголю вам, яко восплачетеся и возрыдаете вы, а мир возрадуется. вы же печальни будете, но печаль ваша в радость будет. 21. жена егда раждает, скорбь имать, яко прииде год ея. егда же родит отроча, ктому не помнит скорби за радость, яко родися человек в мир. 22. и вы же печаль имате убо ныне. паки же узрю вы, и возрадуется сердце ваше, и радости вашея никтоже возьмет от вас. 23. и в тои день мене не воспросите ничесоже. аминь, аминь глаголю вам, яко елика аще чесо просите от оца во имя мое, даст вам. 24. доселе не просисте ничесоже во имя мое. просите, и приимете, да радость ваша исполнена будет. 25. сия в притчах глаголах вам. но приидет час, егда ктому в притчах не глаголю вам, но яве о оце возвещу вам. 26. в тои день во имя мое воспросите. и не глаголю вам, яко аз умолю оца о вас. 27. сам бо оц любит вы, яко вы мене возлюбисте и веровасте, яко аз от Бога изыдох. 28. изыдох от оца, и приидох в мир. и паки оставляю мир, и иду ко оцу. 29. глаголаша ему ученицы его. се ныне не обинуяся глаголеши, а притчи никоеяже не глаголеши. 30. ныне вемы, яко веси вся и не требуеши, да кто тя вопрошает. о сем веруем, яко от Бога изшел еси. 31. отвеща им Исус. ныне ли веруете, 32. се грядет час, и ныне прииде, да разыдетеся кииждо во своя и мене единаго оставите. и несмь един, яко оц со мною есть. 33. сия глаголах вам, да во мне мир имате. в мире скорбни будете. но дерзаите, яко аз победих мир. (Св. Евангелие от Иоанна 16:1-33) 1. сия глагола Исус, и возведе очи свои на небо, и рече. оче, прииде час. прослави Сына твоего, да и Сын твои прославит тя. 2. якоже дал еси ему власть всякия плоти, да всяко еже дал еси ему, даст им живот вечныи. 3. се же есть живот вечныи, да знают тебе единаго истиннаго Бога, и егоже послал еси Иисус Христа. 4. аз прославих тя на земли, дело соверших, еже дал еси мне да сотворю. 5. и ныне прослави мя ты, оче, у тебе самого славою, юже имех у тебе прежде мир не бысть. 6. явих имя твое человеком, ихже дал еси мне от мира. твои беша, и мне их дал еси, и слово твое сохраниша. 7. ныне разумеша, яко вся, елика дал еси мне, от тебе суть. 8. яко глаголы, ихже дал еси мне, дах им. и тии прияша, и разумеша воистинну, яко от тебе изыдох, и вероваша, яко ты мя послал еси. 9. аз о сих молю. не о всем мире молю, но о тех, ихже дал еси мне, яко твои суть. 10. и моя вся твоя суть, и твоя моя. и прославихся в них. 11. и ктому несмь в мире, и сии в мире суть, и аз к тебе гряду. оче стыи, соблюди их во имя твое, ихже дал еси мне, да будут едино, якоже и мы. 12. егда бех с ними в мире, аз соблюдах их во имя твое. ихже дал еси мне, сохраних, и никтоже от них погибе, токмо сын погибельныи, да сбудется писание. 13. ныне же к тебе гряду, и сия глаголю в мире, да имут радость мою исполнену в себе. 14. аз дах им слово твое, и мир возненавиде их, яко не суть от мира, якоже и аз от мира несмь. 15. не молю, да возьмеши их от мира, но да соблюдеши их от неприязни. 16. от мира не суть, якоже и аз от мира несмь. 17. святи их во истину твою. слово твое истина есть. 18. якоже мене послал еси в мир, и аз послах их в мир. 19. и за них аз свящу себе, да и тии будут священи во истину. 20. не о сих же молю токмо, но и о верующих словесе их ради в мя. 21. да вси едино будут. якоже ты, оче, во мне, и аз в тебе, да и тии в нас едино будут. да и мир веру имет, яко ты мя послал еси. 22. и аз славу, юже дал еси мне, дах им. да будут едино, якоже мы едино есма. 23. аз в них, и ты во мне. да будут совершени во едино, и да разумеет мир, яко ты мя послал еси и возлюбил еси их, якоже мене возлюбил еси. 24. оче, ихже дал еси мне, хощу, да идеже есмь аз, и тии будут со мною. да видят славу мою, юже дал еси мне, яко возлюбил мя еси прежде сложения мира. 25. оче праведныи, и мир тебе не позна, аз же тя познах, и сии познаша, яко ты мя послал еси. 26. и сказах им имя твое, и скажу. да любы, еюже мя еси возлюбил, в них будет, и аз в них. (Св. Евангелие от Иоанна 17:1-26) 1. и сия рек Исус, изыде со ученики своими на он пол потока кедрска, идеже бе вертоград, воньже вниде сам и ученицы его. (Св. Евангелие от Иоанна 18:1) 2-Ин.18:1-28 — арест Исуса в Гефсиманском саду, суд первосвященника Анны, троекратное отречение Петра (в изложении Иоанна Богослова): ,,....1. и сия рек Исус, изыде со ученики своими на он пол потока кедрска, идеже бе вертоград, воньже вниде сам и ученицы его. 2. ведяше же иуда предаяи его место. яко множицею собирашеся Исус ту со ученики своими. 3. иуда убо прием спиру и от архиереи и фарисеи слуги, прииде тамо со светилы и свещами и оружии. 4. Исус же ведыи вся грядущая нань, изшед рече им. кого ищете, 5. отвещаша ему. Исуса назореа. глагола им Исус. аз есмь. стояще же и иуда, иже предаяше его, с ними. 6. егда же рече им. аз есмь, идоша вспять и падоша на земли. 7. паки убо вопроси их Исус. кого ищете, они же реша. Исуса назореа. 8. отвеща Исус. рех вам, яко аз есмь. аще убо мене ищете, оставите сих ити. 9. да сбудется слово, еже рече, яко ихже дал еси мне, не погубих от них никогоже. 10. симон же петр, имыи нож, извлече его, и удари архиереова раба, и уреза ему ухо десное. бе же имя рабу малх. 11. рече убо Исус петрови. вонзи нож в ножницу. чашу юже даде мне оц, не имам ли пити ея, 12. спира же и тысящник и слуги иудеистии яша Исуса, и связаша его, 13. и ведоша его ко анне первее. бе бо тесть каиафе, иже бе архиереи лету тому. 14. бе же каиафа давыи совет иудеом, яко уне есть единому человеку умрети за люди. 15. по Исусе же идяше симон петр и другии ученик. ученик же тои бе знаемь архиереови, и вниде со Исусом во двор архиереов. 16. петр же стояше при дверех вне. изыде убо ученик тои, иже бе знаемь архиереови, и рече двернице, и введе петра. 17. глагола же раба дверница петрови. еда и ты ученик еси человека сего, глагола он. несмь. 18. стояху же раби и слуги огнь сотворше, яко зима бе, и греяхуся. бе же с ними петр стоя и греяся. 19. архиереи же вопроси Исуса о ученицех его и о учении его. 20. отвеща ему Исус. аз не обинуяся глаголах миру. аз всегда учах на сонмищах и в церкви, идеже всегда иудее Сынемлются, и таи не глаголах ничесоже. 21. что мя вопрошаеши, вопроси слышавших, что глаголах им. се сии ведят, яже рех аз. 22. сия же рекшу ему, един от предстоящих слуг удари в ланиту Исуса, рек. тако ли отвещаваеши архиереови, 23. отвеща ему Исус. аще зле глаголах, свидетельствуи о зле. аще ли добре, что мя биеши, 24. посла же его анна связана к каиафе архиереови. 25. бе же симон петр стоя и греяся. реша же ему. еда и ты от ученик его еси, он же отвержеся и рече. несмь. 26. глагола един от раб архиереовых, южика сыи, емуже петр уреза ухо. не аз ли тя видех в вертограде с ним, 27. паки убо петр отвержеся. и абие петель возгласи. 28. ведоша же Исуса от каиафы в претор. бе же утро. и тии не внидоша в претор, да не осквернятся, но да ядят пасху..." (Св. Евангелие от Иоанна 18:1-28) 3-Мф.26:57-75 — суд первосвященника Каиафы, троекратное отречение Петра (в изложении Матфея): ,,....57. же емше Исуса ведоша к каиафе архиереови, идеже книжницы и старцы собрашася. 58. Петр же идяше по нем издалеча до двора архиереова: и вшед внутрь, седяше со слугами, видети кончину. 59. Архиерее же и старцы и сонм весь искаху лжесвидетелства на Исуса, яко да убиют его, 60. и не обретаху: и многим лжесвидетелем приступльшым, не обретоша. Послежде же приступивша два лжесвидетеля, 61. реста: сей рече: могу разорити церковь Божию и треми денми создати ю. 62. И востав архиерей рече ему: ничесоже ли отвещаваеши, что сии на тя свидетелствуют? 63. Иисус же молчаше. И отвещав архиерей рече ему: заклинаю тя Богом живым, да речеши нам, аще ты еси Христос, Сын Божий? 64. Глагола ему Исус: ты рекл еси: обаче глаголю вам: отселе узрите Сына человеческаго седяща одесную силы и грядуща на облацех небесных. 65. Тогда архиерей растерза ризы своя, глаголя, яко хулу глагола: что еще требуем свидетелей? се, ныне слышасте хулу его: 66. что вам мнится? Они же отвещавше реша: повинен есть смерти. 67. Тогда заплеваша лице его и пакости ему деяху: овии же за ланиту удариша, 68. глаголюще: прорцы нам, Христе, кто есть ударей тя? 69. Петр же вне седяше во дворе. И приступи к нему едина рабыня, глаголющи: и ты был еси со Исусом галилейским. 70. Он же отвержеся пред всеми, глаголя: не вем, что глаголеши. 71. Изшедшу же ему ко вратом, узре его другая, и глагола сущым тамо: и сей бе со Исусом назореом. 72. И паки отвержеся с клятвою, яко не знаю человека. 73. Помале же приступивше стоящии, реша петрови: воистинну и ты от них еси, ибо беседа твоя яве тя творит. 74. Тогда начат ротитися и клятися, яко не знаю человека. И абие петель возгласи. 75. И помяну петр глагол Исусов, реченный ему, яко прежде даже петель не возгласит, трикраты отвержешися мене. И изшед вон плакася горько..." (Св. Евангелие от Матфея 26:57-75)
maxtalmann: 4-Ин.18:28-19:16 — тайная беседа Исуса с Пилатом, суд Пилата (в изложении Иоанна Богослова): ,,.....28. ведоша же Исуса от каиафы в претор. бе же утро. и тии не внидоша в претор, да не осквернятся, но да ядят пасху. 29. изыде же пилат к ним вон и рече. кую речь приносите на человека сего, 30. отвещаша и реша ему. аще не бы был сеи злодеи, не быхом предали его тебе. 31. рече же им пилат. поимите его вы, и по закону вашему судите ему. реша же ему иудее. нам не достоит убити никогоже. 32. да слово Исусово сбудется, еже рече, назнаменуя, коею смертию хотяше умрети. 33. вниде убо паки пилат в претор, и пригласи Исуса, и рече ему. ты ли еси Царь иудеиск, 34. отвеща ему Исус. о себе ли ты сие глаголеши, или инии тебе рекоша о мне, 35. отвеща пилат. еда аз жидовин есмь, род твои и архиерее предаша тя мне. что еси сотворил, 36. отвеща Исус. цртво мое несть от мира сего. аще от мира сего было бы цртво мое, слуги мои убо подвизалися быша, да не предан бых был иудеом. ныне же цртво мое несть отсюду. 37. рече же ему пилат. убо Царь ли еси ты, отвеща Исус. ты глаголеши, яко Царь есмь аз. аз на сие родихся и на сие приидох в мир, да свидетельствую истину. и всяк, иже есть от истины, послушает гласа моего. 38. глагола ему пилат. что есть истина, и сие рек, паки изыде ко иудеом, и глагола им. аз ни единыя вины обретаю в нем. 39. есть же обычаи вам, да единаго вам отпущу на пасху. хощете ли убо, да отпущу вам цря иудеиска, 40. возопиша же паки вси, глаголюще. не сего, но варавву. бе же варавва разбоиник. (Св. Евангелие от Иоанна 18:28-40) 1. тогда убо пилат поят Исуса, и би его. 2. и воини сплетше венец от терния, возложиша ему на главу, и в ризу багряну облекоша его, 3. и глаголаху. радуися, црю иудеискии. и бияху его по ланитома. 4. изыде убо паки вон пилат, и глагола им. се извожду его вам вон, да разумеете, яко в нем ни единыя вины обретаю. 5. изыде же вон Исус, нося терновен венец и багряну ризу. и глагола им. се человек. 6. егда же видеша его архиерее и слуги, возопиша глаголюще. распни, распни его. глагола им пилат. поимите его вы, и распните. аз бо не обретаю в нем вины. 7. отвещаша ему иудее. мы закон имамы, и по закону нашему должен есть умрети, яко себе Сына Божия сотвори. 8. егда убо слыша пилат сие слово, паче убояся. 9. и вниде в претор паки, и глагола Исусови. откуду еси ты, Исус же ответа не даде ему. 10. глагола же ему пилат. мне ли не глаголеши, не веси ли, яко власть имам распяти тя и власть имам пустити тя, 11. отвеща Исус. не имаши власти ни единыя на мне, аще не бы ти дано свыше. сего ради предавыи мя тебе болии грех имать. 12. от сего искаше пилат пустити его. иудее же вопияху, глаголюще. аще сего пустиши, неси друг кесарев. всяк, иже царя себе творит, противится кесарю. 13. пилат убо слышав сие слово, изведе вон Исуса, и седе на судищи, на месте глаголемем лифостротон, евреиски же гаввафа. 14. бе же пяток пасце, час же яко шестыи. и глагола иудеом. се Царь ваш. 15. они же вопияху. возьми, возьми, распни его. глагола им пилат. цря ли вашего распну, отвещаша архиерее. не имамы царя, токмо кесаря. 16. тогда убо предаде его им, да распнется. поемше же Исуса, и ведоша..." (Св. Евангелие от Иоанна 19:1-16) 5-Мф.27:3-32 — самоубийство Иуды, суд Пилата (в изложении Матфея), Исус в претории, крестный путь Исуса (в изложении Матфея): ,,.....3. Тогда видев иуда предавый его, яко осудиша его, раскаявся возврати тридесять сребреники архиереем и старцем, 4. глаголя: согреших предав кровь неповинную. Они же реша: что есть нам? ты узриши. 5. И поверг сребреники в церкви, отиде: и шед удавися. 6. Архиерее же приемше сребреники, реша: недостойно есть вложити их в корвану, понеже цена крове есть. 7. Совет же сотворше, купиша ими село скудельниче, в погребание странным: 8. темже наречеся село то село крове, до сего дне: 9. тогда сбысться реченное иеремием пророком, глаголющим: и прияша тридесять сребреник, цену цененнаго, егоже цениша от сынов Израилев, 10. и даша я на село скудельничо, якоже сказа мне Господь. 11. Иисус же ста пред игемоном. И вопроси его игемон, глаголя: ты ли еси царь иудейский? Иисус же рече ему: ты глаголеши. 12. И егда нань глаголаху архиерее и старцы, ничесоже отвещаваше. 13. Тогда глагола ему пилат: не слышиши ли, колика на тя свидетелствуют? 14. И не отвеща ему ни к единому глаголу, яко дивитися игемону зело. 15. На же праздник обычай бе игемону отпущати единаго народу связня, егоже хотяху: 16. имяху же тогда связана нарочита, глаголемаго варавву: 17. собравшымся же им, рече им пилат: кого хощете отпущу вам: варавву ли, или Исуса глаголемаго Христа? 18. Ведяше бо, яко зависти ради предаша его. 19. Седящу же ему на судищи, посла к нему жена его, глаголющи: ничтоже тебе и првднику тому: много бо пострадах днесь во Сыне его ради. 20. Архиерее же и старцы наустиша народы, да испросят варавву, Исуса же погубят. 21. Отвещав же игемон рече им: кого хощете от обою отпущу вам? Они же реша: варавву. 22. Глагола им пилат: что убо сотворю Исусу глаголемому Христу? Глаголаша ему вси: да распят будет. 23. Игемон же рече: кое убо зло сотвори? Они же излиха вопияху, глаголюще: да пропят будет. 24. Видев же пилат, яко ничтоже успевает, но паче молва бывает, приемь воду, умы руце пред народом, глаголя: неповинен есмь от крове првднаго сего: вы узрите. 25. И отвещавше вси людие реша: кровь его на нас и на чадех наших. 26. Тогда отпусти им варавву: Исуса же бив предаде, да его пропнут. 27. Тогда воини игемоновы, приемше Исуса на судище, собраша нань все множество воин: 28. и совлекше его, одеяша его хламидою червленою: 29. и сплетше венец от терния, возложиша на главу его, и трость в десницу его: и поклоньшеся на колену пред ним ругахуся ему, глаголюще: радуйся, царю иудейский. 30. И плюнувше нань, прияша трость и бияху по главе его. 31. И егда поругашася ему, совлекоша с него багряницу и облекоша его в ризы его: и ведоша его на пропятие. 32. Исходяще же обретоша человека киринейска, именем симона: и сему задеша понести крест его..." (Св. Евангелие от Матфея 27:3-32) 6-Мк.15:16-32 — Исус в претории, крестный путь Исуса (в изложении Марка), распятие Исуса, насмешки над Ним: ,,....16. Воини же ведоша его внутрь двора, еже есть претор: и созваша всю спиру, 17. и облекоша его в препряду, и возложиша на него сплетше тернов венец, 18. и начаша целовати его: радуйся, царю иудейский. 19. И бияху его по главе тростию, и плюваху на него, и прегибающе колена покланяхуся ему. 20. И егда поругашася ему, совлекоша с него препряду и облекоша его в ризы своя: и изведоша его, да пропнут его. 21. И задеша мимоходящу некоему симону киринею, грядущу с села, отцу александрову и руфову, да возмет крест его. 22. И приведоша его на голгофу место, еже есть сказаемо лобное место. 23. И даяху ему пити есмирнисмено вино: он же не прият. 24. И распеншии его разделиша ризы его, метающе жребий о них, кто что возмет. 25. Бе же час третий, и распяша его. 26. И бе написание вины его написано: царь иудейск. 27. И с ним распяша два разбойника, единаго о десную и единаго о шуюю его. 28. И сбыстся писание, еже глаголет: и со беззаконными вменися. 29. И мимоходящии хуляху его, покивающе главами своими и глаголюще: уа, разоряяй церковь и треми денми созидаяй, 30. спасися сам и сниди со креста. 31. Такожде и архиерее ругающеся, друг ко другу с книжники глаголаху: ины спасе, себе ли не может спасти? 32. Христос, царь Израилев, да снидет ныне со креста, да видим и веру имем ему. И распятая с ним поношаста ему..." (Св. Евангелие от Марка 15:16-32) 7-Мф.27:33-54 — распятие Исуса, насмешки над Ним, крестная смерть и сопровождающие её знамения: ,,....33. И пришедше на место нарицаемое голгофа, еже есть глаголемо краниево место, 34. даша ему пити оцет с желчию смешен: и вкушь, не хотяше пити. 35. Распеншии же его разделиша ризы его, вергше жребия: 36. и седяще стрежаху его ту: 37. и возложиша верху главы его вину его написану: сей есть Исус, царь иудейский. 38. Тогда распяша с ним два разбойника: единаго о десную, и единаго о шуюю. 39. Мимоходящии же хуляху его, покивающе главами своими 40. и глаголюще: разоряяй церковь и треми денми созидаяй, спасися сам: аще Сын еси Божий, сниди со креста. 41. Такожде же и архиерее ругающеся с книжники и старцы, глаголаху: 42. иныя спасе, себе ли не может спасти? аще царь Израилев есть, да снидет ныне со креста, и веруем в него: 43. упова на Бога: да избавит ныне его, аще хощет ему. Рече бо, яко Божий есмь Сын. 44. Тожде же и разбойника распятая с ним поношаста ему. 45. От шестаго же часа тма бысть по всей земли до часа девятаго: 46. о девятем же часе возопи Исус гласом велиим, глаголя: или, или, лима савахфани? еже есть, Боже мой, Боже мой, вскую мя еси оставил? 47. Нецыи же от ту стоящих слышавше глаголаху, яко илию глашает сей. 48. И абие тек един от них, и приемь губу, исполнив же оцта, и вонзе на трость, напаяше его. 49. Прочии же глаголаху: остави, да видим, аще приидет илиа спасти его. 50. Иисус же, паки возопив гласом велиим, испусти дух. 51. И се, завеса церковная раздрася на двое с вышняго края до нижняго: и земля потрясеся: и камение распадеся: 52. и гроби отверзошася: и многа телеса усопших святых восташа: 53. и изшедше из гроб, по воскреснии его, внидоша во святый град и явишася мнозем. 54. Сотник же и иже с ним стрегущии Исуса, видевше трус и бывшая, убояшася зело, глаголюще: воистинну Божий Сын бе сей..." (Св. Евангелие от Матфея 27:33-54)
maxtalmann: 8-Лк.23:32-49 — молитва распинаемого Исуса, исповедание благоразумного разбойника: ,,...32. Ведяху же и ина два злодея с ним убити. 33. И егда приидоша на место, нарицаемое лобное, ту распяша его и злодея, оваго убо одесную, а другаго ошуюю. 34. Исус же глаголаше: Отче, отпусти им: не ведят бо что творят. Разделяюще же ризы его, метаху жребия. 35. И стояху людие зряще. Ругахуся же и князи с ними, глаголюще: иныя спасе, да спасет и себе, аще той есть Христос Божий избранный. 36. Ругахуся же ему и воини, приступающе и оцет придеюще ему, 37. и глаголаху: аще ты еси царь иудейск, спасися сам. 38. Бе же и написание написано над ним писмены еллинскими и римскими и еврейскими: сей есть царь иудейск. 39. Един же от обешеною злодею хуляше его, глаголя: аще ты еси Христос, спаси себе и наю. 40. Отвещав же другий прещаше ему, глаголя: ни ли ты боишися Бога, яко в томже осужден еси? 41. и мы убо в правду: достойная бо по делом наю восприемлева: сей же ни единаго зла сотвори. 42. И глаголаше Исусови: помяни мя, Господи, егда приидеши во царствии си. 43. И рече ему Исус: аминь глаголю тебе, днесь со мною будеши в раи. 44. Бе же час яко шестый, и тьма бысть по всей земли до часа девятаго: 45. и померче солнце, и завеса церковная раздрася посреде. 46. И возглашь гласом велиим Исус, рече: Отче, в руце твои предаю дух мой. И сия рек издше. 47. Видев же сотник бывшее, прослави Бога, глаголя: воистинну человек сей праведен бе. 48. И вси пришедшии народи на позор сей, видяще бывающая, биюще перси своя возвращахуся. 49. Стояху же вси знаемии его издалеча, и жены споследствовавшыя ему от галилеи, зрящя сия..." (Св. Евангелие от Луки 23:32-49) 9-Ин.19:25-37 — Богородица и Иоанн Богослов у креста, крестная смерть, прободение копьём: ,,....25. стояху же при крте Исусове мти его, и сестра мтре его, мариа клеопова, и мариа магдалина. 26. Иисус же видев Матерь и ученика стояща, егоже любляше, глагола Матери своеи. жено, се сын твои. 27. потом глагола ученику. се мти твоя. и от того часа поят ю ученик во своя си. 28. посем ведыи Исус, яко вся уже совершишася, да сбудется писание, глагола. жажду. 29. сосуд же стояше полн оцта. они же исполнивше губу оцта и на трость вонзше, придеша ко устом его. 30. егда же прият оцет Исус, рече. совершишася. и преклонь главу, предаде дх. 31. иудее же, понеже пяток бе, да не останут на кресте телеса в субботу, бе бо велик день тоя субботы, молиша пилата, да пребиют голени их и возьмут. 32. приидоша же воини, и первому убо пребиша голени, и другому распятому с ним. 33. на Исуса же пришедше, яко видеша его уже умерша, не пребиша ему голении. 34. но един от воин копием ребра ему прободе, и абие изыде кровь и вода. 35. и видевыи свидетельствова, и истинно есть свидетельство его. и тои весть, яко истину глаголет, да вы веру имете. 36. быша бо сия, да сбудется писание. кость не сокрушится от него. 37. и паки другое писание глаголет. воззрят нань, егоже прободоша..." (Св. Евангелие от Иоанна 19:25-37) 10-Мк.15:43-47 — Иосиф Аримафейский у Пилата, погребение Христа (в изложении Марка): ,,...43. прииде иосиф, иже от аримафеа, благообразен советник, иже и той бе чая царствия Божия, дерзнув вниде к пилату, и проси телесе Исусова. 44. Пилат же дивися, аще уже умре: и призвав сотника, вопроси его: аще уже умре? 45. И уведев от сотника, даде тело иосифови. 46. И купив плащаницу и сынемь его, обвит плащаницею: и положи его во гроб, иже бе изсечен от камене: и привали камень над двери гроба. 47. Мариа же магдалина и мариа иосиева зрясте, где его полагаху..." (Св. Евангелие от Марка 15:43-47) 11-Ин.19:38-42 — погребение Христа (в изложении Иоанна Богослова): ,,...38. по сих же моли пилата иосиф, иже от аримафеа, сыи ученик Исусов, потаен же страха ради иудеиска, да возьмет тело Исусово. и повеле пилат. прииде же и взят тело Иисусово. 39. прииде же и никодим, пришедыи ко Исусови нощию прежде, нося смешение смирнено и алоино, яко литр сто. 40. прияста же тело Исусово, и обвиста е ризами со ароматы, якоже обычаи есть иудеом погребати. 41. бе же на месте, идеже распятся, верт, и в верте гроб нов, в немже николиже никтоже положен бе. 42. ту убо пятка ради иудеиска, яко близ бяше гроб, положиста Исуса..." (Св. Евангелие от Иоанна 19:38-42) 12-Мф.27:62-66 — стража у гроба: ,,...62. Во утрий же день, иже есть по пятце, собрашася архиерее и фарисее к пилату, 63. глаголюще: господи, помянухом, яко льстец он рече, еще сый жив: по триех днех востану: 64. повели убо утвердити гроб до третияго дне, да не како пришедше ученицы его нощию украдут его и рекут людем: воста от мертвых: и будет последняя лесть горша первыя. 65. Рече же им пилат: имате кустодию: идите, утвердите, якоже весте. 66. Они же шедше утвердиша гроб, знаменавше камень с кустодиею..." (Св. Евангелие от Матфея 27:62-66)
полная версия страницы