Форум » Каноническое право » О БРАДОБРИТИИ от Святых отец и не только » Ответить
О БРАДОБРИТИИ от Святых отец и не только
Виктор К: [quote]Человек, у которого с головой все в порядке, иначе как ПОДЛОГОМ, ниже приведенный пример, назвать не можеть! ОТ СВЯЩЕННЫХ ПРАВИЛ О ПОСТРИЖЕНИИ БРАД. ГЛАВА 40 Такоже священная правила православным крестьянам всем возбраняют не брити брад и усов не постригати. Таковая бо честь православных, но латынская и еретическая предания греческаго царя Костянтина Ковалина, и о сем апостольская и отеческая правила велъми запрещают и отрицают. Какие каноничные апостольские и отеческие правила это запрещают и отрицают? Правило святых апостол сице глаголет: "А ще кто браду бреет и преставится тако, не достоит над ним служити, ни сорокоустия по нем пети, ни просвиры, ни свещи по нем в церковь принести, с неверным да причтется, от еретик бо се навыкоша". Где нашли отцы Стоглава такое правило святых апостол? О том же правило 11 шестого собора иже в трулле полатнем о остризании брад. Ни о чем таком правило 11 6 В.С. не говорит, а говорит оно вот о чем: "Никто из принадлежащих к священному чину, или из мирян, отнюдь не должен ясти опресноки, даваемыя иудеями, или вступать в содружество с ними, ни в болезнях призывать их, и врачества принимать от них, ни в банях купно с ними мытися. Если же кто дерзнет сие творить: то клирик да будет извержен, а мирянин да будет отлучен."[/quote] Полагаю правильным разделить отношение к брадобритию на мнения о брадобритии до Большого Московского Собора и после оного. То есть - до раскола и после. Во первых приведу мнения и указания НАШИХ святых отцов по данному вопросу: Преп. Максима инока Святогорца Послание к Самодержавному Царю Иоанну Васильевичу о еже не брити брады. (Раскольничьи дела 18 столет., изд. 4, 1863 г. изд. Г. Есиповым. т. II [Рукопись Им. Пуб. биб. Л. F. Отд. XVII. №11, Л. 32]. «Благоверному Царю и Самодержцу всея Росии государю великому князю Ивану Васильевичу ниско много челом. Ни едино дело премудрости Божия суетно есть, рекл есть некий от древних богомудрых муж. и богодухновенный Царь и Пророк Давыд, дивуяся преухищренным украшением содетельство Вышняго, вопиет глаголя: коль возвеличишася дела Твоя Господи, вся премудростию сотворил еси. Многим убо сущим, совершающим тело наше, удовом нашим. овы убо сих на нужнейшу потребу нашу умышленны премудрым Содетелем, якоже ноги убо, во еже движатися нам идеже аще потребно будет: руце же, во еже делати потребная: очи же, во еже глядати и раззнати сретающи и лучающая нам. каково же суть нос и ноздри, ко разсуждению различным воням и вдышению и издышению животнаго воздуха. овы же во украшение и благолепие не точию лицам нашим, но и к немалей потребе умышлены быша премудрейшим Содетелем. яко же брови убо, да якоже во еже от них благолепию, да и подлежащая им очи невредимых соблюдут, от истекающих сланых потов. рясницы же, наихуждше создание, да те же очи соблюдают нестужаеми от всякаго тончайшаго праха и пуха, якова же многа воздухом обносима в глазех лежут. ус же и брада, предобрейше умышлена бывша премудрейшим мудрецом Богом, не точию к раззнанию женскаго полу и мужескаго, но еще и к честновидному благолепию лиц наших. Кто здрав умом сый и Богу во всем тщася благоугодити, возненавидит когда и бритвою изгладит видения своего, дарованное ему лице, сицево от Содетеля честнообразное украшение. и наипаче слыши Владыку, крепце Моисеом повелевающаго людем израилевым: не отсецети брады ваша! еже есть не обрейте, ниже сотворите сосон на главах ваших, яко же языцы. Аще же проклятии уклоняющиися от заповедей Божиих, якоже слышим во священном песнопении, той же клятве подлежат и истребляющии бритвою брады своя, противящеся без ума заповеди Божией. Но что к сим; противящиися глаголют не покоривыи и прозоривыи латыня. но ветхаго Рима святитель соборным правилом своим отлучает, глаголют сообщения верных не бреющих брады и лице. сице есть яко же сказуют, то убо папы и его соборы повинни суть Евангельскому ответу глаголющему яве: иже аще разорит едину от сих меньших заповедей и научит тако человека, наименьши наречется в царствии небесном. еще есть в страшном всемирном втором пришествии неумытнаго Судии, осужден будет аки противься Евангельстей заповеди. Яко древнее и богоугодное предание есть, еже брады не бреяти. яве есть и от иных писанных показаний и наипаче о них же писано есть во втором царствии и содеяся при самом Царе Давыде. Царь Давыд послал честных мужей ко Аннону, Царю Аманитскому, сыну Наасову, утешити его, скорбяща о умертвии отца его. их же пришедших обесчестил Анон: брады их отсек, и одежди их долгия отрезав до бедр, послушав своих боляр, глаголавших к нему: яко с лестию послал Давыд, а не по любви и дружбе, но сведати какая крепость града и люди есть. Слышав же Давыд дерзку тую на посланники своя досаду и бесчестие, велел им в селех их жити, дондеже брады их отрастут, скверну возмнев прибытии себе аще собеседует им, сице обезобразившемся. толь мерзко мняшеся древним праведным, еже брити брады своя, Божию заповедь соблюдающих, глаголющую: не отсечете брады ваша. Вопрошаемы же латыне, чесо ради бреются глаголют, яко тщеславие суетно притворяет, еже браду пущати, и аще есть от тщеславия согрешения избывающе сего ради бреют брады своя. множае паче подобаше им отрезати детородныя уды скопски, аки разжизающих их ко студным блужением и богомерзким похотем; очи же извертети, руку же и ногу отсекати, евангельски рещи, аки сим нудимым ко всяческим лукавым деянием и похотем. Но не уды телес наших отсещи нам Спас велит, но лукавыя похоти душ наших, сими удесы действуемых. сице подобаше бегати и согрешения тщеславнаго смиренномудрыми подвиги противящимся ему, а не браду бреети, изменение суще честнолепнаго образа. Елма есть видети их без бород тщеславием побеждаемых люте, овых убо о благородии родителей, иных же о изобилии многообразнаго разума и премудрости самого пресловутаго папу их, о одежди огнеобразней различне преукрашаемой златом и серебром и о митрии высоце и треми венцы и многоценными каменьми ослявным. о невоздержно хвалящася. где у него смиреннное мудрование верховнаго, иже необычное человекопоклонение корнилиево не прият, но воздвиже его рек: востани, ибо и сам человек есть чуднейший же папа, облезжая, аще непоклоним будет от сретающих его, ничтоже радит ему биемых бываемых их наличников своих или в ланиту приступающим к нему властелем и князем и вельможам, но овым убо колено, овем же ногу на целование даяти, кое крайнее кичения и высокоумия и гордости непревосходит. и наипаче слыши Владыку Христа, Симона убо укоряюще, не давше Ему лобзание любовное знамение, а блудницу похваляюща, ноги Его пречистыя облобызающу. Суетен убо воистинну и безумен извет латынский, показаша бо ся и без бород, невоздержно тщеславящеся. явственне убо обличаем бывает, яко гнушающеся, сице честное украшение, дарованное от Создателя мужу, бреют е. и яко не точию словесному естеству человеков, но еще и безсловесному даровася сицев благолепный образ. Услышим внятно. Некоего слышал есмь поведавша мне: се самовидне, яко играющии неции отсекоше браду некоего козла добробрадна зело: и той не стерпев сицевы досады, самаго себе убил до смерти, бия без милости главу свою к земли. Уразумеем, коль честно и любезно есть бородное украшение и безсловесному животну, аз же словесен сый гнушаюся ея. Оле студа и безумия моего. но сие убо сицево. Слышим же и ино дивно. Воевода некий славен грек, именем Мина, яздя со еже о нем воинством по брегом Ниловым, явишася ему посреде Нила два животна человекообразна, поряду стояща, прекрасна взором: их же едино предоброю брадою прекрасися, муж сый был, а другое женскою добротою преукрашенно зело. их же доброте удивляяся надолго Мина, заклял их Содетелем их не погрузитися в воде, дондеже все воинство узрит их. Да разумеем убо мы несмысленнии коль неисчетна есть благость яже о нас Содетеля нашего: яко не точию заповедию своею, но и показанием безсловесных животных показует нам честнолепно жительствовати благочестивым сущим, а не яко же языки неверныя. И да ся исправим, получающе тайноглагольника, еже есть христианолепными обычаи и предания. да украшаем житие наше о Христе Исусе Господе нашем. Тому слава во вся веки аминь.
Ответов - 80, стр:
1 2 All
полная версия страницы